ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

អភិបាលខេត្តតាកែវណែនាំអាជ្ញាធរពង្រឹងការបង្រ្កាបករណីក្មេងទំនើង និងបទល្មើសនានាដើម្បីធានាភូមិឃុំមានសុវត្ថិភាព

  • ចុះផ្សាយថ្ងៃទី១០ ខែកុម្ភៈ ឆ្នាំ២០២៣ ម៉ោង ១១:៣៤ នាទី ដោយ Sao SokEng
  • 1706
  Aa |   aA

តាកែវ៖ ខណៈពលរដ្ឋព្រួយបារម្ភអំពីអសន្តិសុខនៅក្នុងភូមិសាស្ត្រខេត្តតាកែវ ក្រោយពីនៅប៉ុន្មានសប្តាហ៍ចុងក្រោយនេះមានករណីក្រុមក្មេងទំនើងកាប់ចាក់ លួចឆក់ប្លន់ និងគ្រឿងញៀន អភិបាលខេត្តតាកែវ លោក អ៊ូច ភា បានបើកកិច្ចប្រជុំដោយណែនាំឱ្យអាជ្ញាធរពាក់ព័ន្ធពង្រឹងការងារបង្ការ ទប់ស្កាត់ និងបង្រ្កាបលើបទល្មើសផ្សេងៗ ដើម្បីធានាភូមិឃុំសង្កាត់មានសុវត្ថិភាព។

ក្នុងកិច្ចប្រជុំនោះ លោកអភិបាលខេត្តតាកែវបានជំរុញឱ្យសមត្ថកិច្ចគ្រប់លំដាប់ថ្នាក់ និងអាជ្ញាធរក្រុង និងស្រុកទាំង១០ ត្រូវបន្តយកចិត្តទុកដាក់ដោះស្រាយរាល់បញ្ហាដែលកើតមានឡើងក្នុងដែនសមត្ថកិច្ចរបស់ខ្លួនដើម្បីផ្តល់សេចក្តីសុខដល់ពលរដ្ឋនៅមូលដ្ឋាន។

ស្របពេលបញ្ហាអសន្តិសុខកំពុងតែកើនឡើងក្នុងខេត្តតាកែវ លោកអភិបាលខេត្តបានណែនាំឱ្យស្នងការខេត្ត សហការជាមួយកងរាជអាវុធហត្ថខេត្ត ស្រុក និងក្រុងសហការគ្នាទប់ស្កាត់ និងបង្រ្កាបបញ្ហាក្រុមក្មេងទំនើង ចោរកម្ម ចោរឆក់ និងគ្រឿងញៀន។

ជាមួយគ្នានេះ លោកណែនាំឱ្យមានផែនការយុទ្ធសាស្ត្រថ្មីតាមដាន និងកំណត់មុខសញ្ញាជនសង្ស័យ និងមុខសញ្ញាអ្នកចំណូលថ្មីនៅតាមមូលដ្ឋាន ដែលទើបតែមកស្នាក់នៅក្នុងទឹកដីខេត្តតាកែវ។ ជាពិសេសអាជ្ញាធរក្រុងស្រុកត្រូវសហការគ្នា បង្កើនការត្រួតពិនិត្យ និងឆែកឆេរអាវុធជាតិផ្ទុះ កាំបិត និងដាវ តាមដងផ្លូវនានាក្នុងភូមិសាស្ត្រមួយនេះ។

នៅប៉ុន្មានសប្តាហ៍កន្លងទៅនេះ ករណីជនសង្ស័យចំនួន ៥នាក់ជិះម៉ូតូដេញយកដុំថ្មគប់ចំទ្រូងបុរសម្នាក់បណ្តាលឱ្យស្លាប់ពេលបញ្ជូនទៅមន្ទីរពេទ្យកាលពីថ្ងៃទី២១ ខែមករា ឆ្នាំ២០២៣។ រហូតដល់ដើមខែកុម្ភៈនេះមានករណីសិស្សសាលា ៤នាក់កាប់សម្លាប់លើយុវសិស្សអាយុ ១៧ឆ្នាំនៅត្រង់បណ្ដោយផ្លូវជាតិលេខ២ ស្ថិតនៅក្នុងស្រុកទ្រាំង ខេត្តតាកែវ ដែលបញ្ហាទាំងនេះបានបង្កឱ្យពលរដ្ឋមានភាពភ័យខ្លាច៕


ព័ត៌មានជាច្រើនទៀតសម្រាប់អ្នក